An Ode to the Street Tailors

Daudti - bhaagti duniya ki

behti almaariyon main

Fate kapdo ko kaun dekhe?

Naye kapdo k hisaab se

mota-patla hone ki dhun main

Khaas aapka naap kaun puche?

Fati jeans toh khair pehen bhi loge 

Par shirt ka button nikal gaya toh

RUK jayegi ye duniya, ek darzi ke vaaste!

Uljhe mann ke soch

Uljhe sawaal puche

Dhundhle puraane yaad

Kabhi shor bankar goonje

Unche sapne mann ke

Adhoore bhatak rahe

Par dhundhe kis manzil ko?

Ye chanchal raahe?

Aur naraaz is dil ko

Kaun thaame?

Pareshaan hun main 

Rozaana

Ae zindagi mujhe

Aur aazmana!

Chai, Paani aur Woh

Sarkari naukari

Chai-paani k naam par

Paisa vasooli

Thi roz ki baat

Jaane kahan kho gaya!
Woh krantikaari jawaan

Khareed gaya use bhi

Yeh nasamajh samaaj

Pacchees ka tha woh

Par peeta tha chai hazaar ki

Saare aisho-aaraam the toh!

Phir bhi khudse naraazgi

Ek din daftar aayi woh

College main pasand thi jo

Woh muskuraya

Par usne nahi pehchana

Ab thodi raha woh wahi insaan

Paanch ki chai peeta tha jo

Aur karta baatein hazaar
Jise sunti thi woh